Индонезиядаги йўл-транспорт ҳодисасида 24 киши ҳалок бўлди

Фото: medcom.id

Индонезиянинг Жанубий Суматра вилоятида автобуснинг дарага тушиб кетиши оқибатида 24 киши ҳалок бўлди. Бу ҳақда Antara ахборот агентлиги хабар берди.

Маълум қилинишича, йўл-транспорт ҳодисаси 23 декабрь кечаси юз берган. Шунингдек, 13 киши жароҳат олган. Воқеа жойида қидирув-қутқарув ишлари олиб борилган.

Автоҳалокатга нима сабаб бўлгани ҳозирча номаълумлигича қолмоқда.