Руминия Миллий либерал партияси етакчиси Людовик Орбан Руминия бош вазири лавозимидан кетди. Бу ҳақда президент Клаус Йоханнис маълум қилди.
Йоханнис бош вазир истеъфосини қабул қилиб, бу лавозимга янги номзодни илгари суриш учун 26 февралга сиёсий партиялар билан маслаҳатлашув чақиртирган.
Руминия президенти Орбаннинг ўз ваколатларини зиммасидан олишини Социал-демократик партия парламент йиғилишини бойкот қилгани билан тушунтирган.
Орбаннинг аввалги ҳукумати мухолиф Социал-демократик партия ташаббуси билан парламент томонидан эълон қилинган ишончсизлик натижасида 5 февралда истеъфога чиқарилганди.
Орбанга ишончсизлик билдирилишига ҳукумат қонунларни парламент билан келишмаган ва муҳокама босқичидан ўтмаган ҳолда ўзгартиргани учун билдирилган. Шунга қарамай, президент янги ҳукуматни шакллантиришни яна Орбанга ишониб топширган.
