SAFO NUR қурилмаси — фойдаланишнинг ўзига хос хусусиятлари

Тиббий асбоблар ва гўзаллик салонлари усталарининг асбобларидаги вируслар, бактериялар, замбуруғлар ва эндоспораларни стериллаш учун мўлжалланган Safo Nur қурилмаси ҳақидаги мақола чоп этилганидан кейин биз анча фаол фидбэкка эга бўлдик. Бундан ташқари айрим масалалар, улар яққол эканига қарамасдан, бизни ўйлантиришга мажбур этди. Шу боис, биз мазкур мақола доирасида гўзаллик салонларининг бўлғуси ва ҳозирги эгалари ҳамда тиббий клиника ёки тиббий кабинет очишга қарор қилган тадбиркорлар томонидан тез-тез бериладиган саволларга батафсил жавоб берамиз.

Биз аҳолига хизмат кўрсатувчи тиббий клиникалар, хусусий тиббий кабинетлар, гўзаллик салонлари ва бошқа муассасаларни СанПиН талабларига мувофиқ жиҳозлаш ҳақида гапирганимизда, нафақат ходимларда оқ халат ва ҳар бир ходимда долзарб тиббий дафтарча бўлишини назарда тутамиз. Мавжуд ва янгидан очилаётган корхоналар салон усталари ва клиника шифокорлари ишлайдиган асбобларни стериллаш учун тегишли аппаратлар билан ҳам жиҳозланиши зарур.

Сўз тиббий хизматларни кўрсатиш чоғида юзага келиши мумкин бўлган эҳтимолий майда жароҳатланишдан чиқадиган қон билан алоқани назарда тутувчи хизматлар ҳақида борар экан, асбобларга ишлов бериш масаласи энг биринчи ўринга қўйилиши шарт. Тегишли СанПиНда белгиланган қоидалар тадбиркорлик субъектлари томонидан пухта ўрганилиши ҳамда шифокорлар, усталар ва уларнинг мижозлари ҳамда беморлари учун мўлжалланган хавфсиз ишлаш нормаларига амал қилиниши зарур.

Safo Nur қурилмаси бошқа стериллаш аппаратлари билан биргаликда

Клиника ёки тиббий кабинет очаётган тадбиркорларни ташвишлантираётган саволлар:

• Янгидан очилаётган клиникалар ва кабинетларга лицензия олиш учун Safo Nur қурилмасини харид қилишнинг ўзи етарлими? 
• Санэпидназорат томонидан саволлар туғилмайдими? 
• Агар автоклав ва қуруқ иссиқ ўрнига Safo Nur қурилмасининг ўзини харид қилса, назорат қилувчи органлар томонидан гап тегиши мумкинми?
• Ультрабинафша нурлатгич лампалари ўрнатилган аппаратларда асбоб ва ускуналарни стериллаш мумкинми?

Бундай саволлар биринчи марта тиббий муассаса очаётган тадбиркорларда пайдо бўлади – тажрибали тиббиётчилар стериллаш аппаратларини танлашда асбоблар градацияси зарурлигини яхши тушунади. Қуйида уларнинг саволларига жавоб берамиз.

Бошқа стериллаш аппаратлари билан биргаликда деган қоидага урғу берамиз. Автоклав ўрнига Safo Nur қурилмасини арзонроқ бўлгани учун харид қилиш – бу аввал бошиданоқ нотўғри ёндашув. Стериллайдиган аппаратни танлашда нарх масаласидан келиб чиқиш мумкин эмас. Шифокор ёки уста ўзининг кундалик фаолиятида қандай асбоблардан фойдаланишини асос қилиб олиш зарур. Асбобларнинг турли тоифалари учун СанПиН талабларига мувофиқ стериллашнинг муайян тури мўлжалланган бўлиб, бу масалада бир-бирининг ўрнини босиш ярамайди ва бундай бўлиши ҳам мумкин эмас.   

Ҳар бир метод — ўзига хос ва тор мақсади бўйича афзалликларга эга. Стериллашнинг ҳам физикавий, ҳам кимёвий методлари бир хил самарали қўлланади; фақат фарқи ушбу методларни қўллашнинг ўзига хослигида, улар СанПиНда батафсил баён этилган.

Даставвал, стериллаш аппаратини танлашда фойдаланиладиган асбоблар ва уларни стериллаш усулларига аниқлик киритиш лозим. Буни мустақил равишда амалга оширолмаяпсизми? Унда СЭС инспектори билан маслаҳатлашинг. Стоматология, лор, косметология кабинетларининг тажрибаси бўйича стериллаш аппаратларининг ҳар хил турларига эга бўлиш зарур; бу – СанПиНнинг норматив талабларидир.

Safo Nur қурилмаси стериллашнинг кимёвий усулини амалга оширади, умуман олганда эса у асбобларни, хусусан термик ишлов берилиши мумкин бўлмаган термолабил асбобларни стериллаш учун универсал қурилма ҳисобланади. Бундай асбоблар учун стериллашнинг айнан кимёвий усули тавсия этилади.

Ҳозирги шифокорлар ва усталарда фақат совуқ усулда стерилланиши мумкин бўлган кўплаб асбоблар ва материаллар мавжуд, автоклав ва қуруқ иссиқ эса бундай асбоблар учун тавсия этилмайди ёки умуман мумкин эмас.

Safo Nur қурилмаси ёрдамида стериллаш шиша, резина, каучук, пластик, силикондан тайёрланган асбоблар ва материаллар учун; композит материаллар ва турли қотишмалардан тайёрланган асбоблар учун; пўлатдан тайёрланган асбоблар учун оптимал ҳисобланади. Бундай стериллаш асбобларнинг тўмтоқ бўлиб қолишига йўл қўймайди, уларнинг хусусиятларини сақлайди.

Агар муассасада фақат Safo Nur қурилмаса бўлса, назорат қилувчи органлар томонидан гап тегиши мумкинми? деган долзарб саволга жавоб берамиз.

Агар муассасангизда қўлланадиган асбоблар орасида иссиқ усулда мажбурий стерилланиши керак бўлган асбоблар ва материаллар бўлмаса, Safo Nur қурилмасининг ЎЗИНИ харид қилиш ва ундан фойдаланишнинг ўзи етарли ва бунга рухсат берилади: ушбу қурилма Соғлиқни сақлаш вазирлигининг ЎзР Санитария қоидалари, нормалари ва гигиена нормативларини тартибга солувчи ҳужжатига мувофиқ фойдаланишга рухсат берилган. Демак, сизга ҳеч қандай эътироз бўлмайди.

Бериладиган саволлардан яна бири: Ультрабинафша нурлатгич лампалари ўрнатилган аппаратларда асбоб ва ускуналарни стериллаш мумкинми?

Жавоб: мумкин эмас. Мазкур аппаратлар фақат стерил асбоб ва ускуналарни сақлаш учун мўлжалланган, СанПиН талаблари бўйича ультрабинафша нурлатгичли аппратларни асбоб ва ускуналарни стериллаш мақсадида қўллаш қатъиян ман этилади.

Safo Nur қурилмаси гўзаллик салонлари ва сартарошхоналар учун — нарх масаласи

Safo Nur қурилмаси гўзаллик салонлари ва сартарошхоналарида асбоблар стериллиги бўйича эҳтиёжларни тўлиқ қондиради дейиш мумкин.

Салон соҳиблари ва усталарининг «нега бунча қиммат?» деган саволига жавоб берамиз. Safo Nur қурилмасининг қийматини салоннинг бир кунлик тушумига тенглаштирса бўлади. У мижозлар билан ишлаш учун мўлжалланган стерил асбобларга доим эга бўлиш имконияти билан тўлиқ ўзини оқлайди. Сартарош 90 дақиқа ичида бир вақтнинг ўзида қайчилар ва тароқларнинг ТЎРТТА тўпламини стериллаши мумкин. Маникюр устаси эса ўзи ишлайдиган БАРЧА асбобларни, шу жумладан эговчалар, аппаратда маникюр қилиш учун насадкалар ва бошқа термолабил асбобларни стериллаши мумкин. Пўлат мўйчинаклар ва қайчиларга тўхталадиган бўлсак, Safo Nur қурилмасида стериллаш уларга агрессив таъсир қилмайди, ишлов берилганидан кейин асбоблар ўзининг ишчи хусусиятларини йўқотмайди, улар ўткир ва мустаҳкам бўлиб қолаверади. Натижада, Safo Nur қурилмаси асбобларнинг хизмат муддатини узайтиради.

Юқорида айтилганларни далиллар билан мустаҳкамлаймиз: нархи бўйича энг ҳамёнбоп автоклав 2,5 баравар қиммат туради, бунинг устига унинг учун махсус хона ажратиш керак.

Safo Nur қурилмаси — яққол афзалликлари.

Нега Safo Nur қурилмасини харид қилиш манфаатли?

Safo Nur  қурилмасини харид қилишнинг афзалликлари нимада?

• Ўзбекистонда қурилмани ишлаб чиқариш йўлга қўйилган. Қурилмада замонавий сифат стандартларига, хусусан, ROHS халқаро сифат стандарти талабларига жавоб берадиган бутловчи материаллардан фойдаланилган;
• қурилманинг узоқ муддат хизмат қилиши, стериллаш жараёнида қўлланадиган стерилловчи агентнинг сарф материали арзон ҳамёнбоп эканлиги Safo Nur қурилмасидан фойдаланишда уни тежамкор қилади;
• вақтни тежайди: стериллаш жараёни 90 дақиқа давом этади, бошқа кимёвий ишлов бериш турларига сарфланадиган вақт эса бир неча соатни (6-9 соат) ташкил қилади;
• ходимлар учун хавфсиз, фойдаланиш қулай;
• кенг турдаги (шиша, резина, каучук, пластик, силикон, композит материаллар ва турли қотишмалардан тайёрланган) термолабил асбобларни стериллаш имконияти мавжуд;
• пўлат ёки қотишмалардан тайёрланган қиммат асбобларнинг хизмат муддатини узайтиришдан кўриладиган иқтисодий манфаат. Асбоблар юқори ҳарорат остида стерилланганда тўмтоқ бўлиб қолиши ва тезда яроқсиз ҳолатга келиши мумкин. Safo Nur қурилмасида авайлаб амалга ошириладиган стериллаш жараёни туфайли асбоблар ўзининг ишчи хусусиятларини узоқроқ сақлайди. Safo Nur курилмаси тиббий персонал томонидан қўллашда осон, қулай ва алоҳида махсус тайёргарлик талаб қилмайди.

Оддий мисол: пичоқни чархлаб, уни иссиқ сувга солиб кўринг. У тўмтоқ бўлиб қолади. Совуқ сувга солсангиз, пичоқ ўткирлигини сақлаб қолади.

Асбоблар стерилизациядан кейин нафақат стерил, балки фойдаланишга яроқли бўлиши ҳам керак. Асбобнинг ўз техник характеристикаларини, масалан, ўткирлигини йўқотиши уни фойдаланишга яроқсиз қилади. Бу стериллаш усули ва қурилмасини танлашда тўғри ёндашув зарурлигини англатади. 

Safo Nur қурилмасининг яратилиши, унинг Ўзбекистон ва дунёда расмий тан олиниши

Тиббий асбоблардаги вирусларни инактивлаштириш учун мўлжалланган Safo Nur қурилмаси тиббиёт фанлари доктори, профессор Нариман Ғуломович Ғуломов томонидан New Medical Technologies МЧЖ компаниясининг илмий-техникавий базасида ишлаб чиқилди.

Safo Nur қурилмаси Соғлиқни сақлаш вазирлигининг ЎзР санитария қоидалари, нормалари ва гигиеник нормативларини тартибга солувчи ҳужжатига мувофиқ фойдаланишга рухсат этилган.

Қурилмага Ўзбекистон Республикасининг патент идораси томонидан 23.05.2014 йилда берилган IAP05259 сонли патенти, шунингдек Евросиё, АҚШ ва Хитой патент идоралари томонидан тиббий асбобларда вируслар, бактериялар, замбуруғлар ва эндоспораларни инактивлаштириш учун қурилма ихтиросига патентлар берилган.

Эслатиб ўтамиз: 2020 йил 1 мартдан Ўзбекистон Президентининг 5884-сонли Фармони кучга кирди. Унга кўра СЭС тиббий клиникалар, кабинетлар, гўзаллик салонларини нафақат регламентга мувофиқ ярим йилда бир марта текширади, балки жисмоний ва юридик шахсларнинг мурожаатлари асосида ва ижтимоий тармоқларда асосли маълумотлар мавжуд бўлганида чекланмаган миқдорда текшириши мумкин.  

Ўзбекистон Президентининг 5884-сонли Фармони кучга кирганидан кейин ҳар бир фуқаро клиникалар ёки гўзаллик салонларида гигиена ва тозалик нормаларига амал қилинмаётгани ҳақидаги асосли шикоятларини назорат органларига маълум қилишга ҳақли. Албатта, бундай шикоятларнинг олдини олиш ва ўзингизга қарашли муассасани СанПиН нормалари ва талабларига мувофиқ стериллаш қурилмалари билан таъминлаш мақсадга мувофиқ.

Батафсил маълумот учун:

Сайт: nmt.uz
Телефонлар:
+99898 3007392 (қўнғироқлар учун)
+99890 3512090 (Telegram учун)

Реклама ҳуқуқи асосида