Буюк Британияда 20 минг нафар собиқ тиббиёт ходимлари ишга қайтди

Сўнгги маълумотларга кўра, Буюк Британияда 19 522 киши коронавирус юқтирган, 1228 киши вафот этган.

Фото: REUTERS

Буюк Британия миллий соғлиқни сақлаш хизматининг (NHS) 20 минг нафар собиқ ходими яна ишга қайтди. Бу ҳақда мамлакат бош вазири Борис Жонсон Twitter орқали видеомурожаатида маълум қилди.

"NHS’га қайтаётган барчага раҳмат. Йигирма минг нафар тиббиёт ходими – шифокорлар ва ҳамширалар ишга қайтди – бу ажойиб", - деди Жонсон.

Борис Жонсон 23 март куни коронавирус эпидемияси сабабли мамлакатда карантин жорий этилишини эълон қилганди: британияликлар зарур маҳсулотларни сотиб олиш, бир кунда бир маҳал жисмоний машғулот ўтказиш, шифохона ёки ишга бориш (агар иш "ўта зарур") учунгина уйларини тарк этишлари мумкин.

Жума куни Жонсон коронавирусга чалинганини, ўзини изоляция қилганлигини маълум қилди.

Сўнгги маълумотларга кўра, Буюк Британияда 19 522 киши коронавирус юқтирган, 1228 киши вафот этган.

Тайёрлаган Дилшод Аскаров

#Буюк Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.