Қўшимча функционаллар
-
Тунги кўриниш
Ўзбекистонда дам олиш кунлари қандай об-ҳаво кутилаётгани маълум қилинди
Бугун ва дам олиш кунлари Ўзбекистон ҳудуди қуруқ ва мўътадил иссиқ ҳаво оқими таъсирида бўлади.
Бутун республика ҳудудида ҳаво вақти-вақти билан ўзгариб туради, ёғингарчилик кутилмайди. Шамолнинг тезлиги кучсиздан ўртачага етиши мумкин, шимолий ҳудудларда секундига 17-22 метргача кучайиши, айрим жойларда унинг шиддати секундига 23-28 метрни ташкил қилиши мумкин.
«Ўзгидромет»нинг ёзишича, бу кунларда ҳаво ҳарорати мамлакат ҳудудининг катта қисмида кечаси 18-23 даражани, кундузи 33-38 даражани ташкил қилади, жанубда 40 даражагача исийди.
Бундай об-ҳаво шароитлари Ўзбекистонда августнинг ўртаси учун хосдир. Август – йилнинг энг қуруқ ойи ҳисобланади. Одатда бу даврда республикада ҳаво кам булутли бўлади. Ёғингарчилик камдан-кам кузатилади ва асосан жуда оз миқдорда ёғади. Бу вақтда республика ҳудудининг катта қисмида ўртача максимал ҳарорат 35 даражага яқиндир.
