Эронда етти ойлик танаффусдан сўнг ўқув йили бошланди

Эрон президентининг сўзларига кўра, 15 млн нафар талаба ва ўқувчиларнинг таълим олиши соғлиқни сақлаш тизими иши каби муҳим ҳисобланади.

Фото: IRNA

Эронда мактаб ўқувчилари ва талабалари бир неча ойлик танаффусдан сўнг таълим муассасаларига қайтди, деб хабар бермоқда Associated Press.

"Мамлакатимизда таълим энг ёмон вазият юз берганида ҳам ёпилмайди", - деган Эрон президенти Ҳасан Руҳоний видеомурожаатида.

Унинг сўзларига кўра, 15 млн нафар талаба ва ўқувчиларнинг таълим олиши соғлиқни сақлаш тизими иши каби муҳим ҳисобланади.

Руҳоний таълим муассасаларида жиддий ҳимоя чоралари амал қилиши кераклигини қўшимча қилди. Эронда бунга қадар масофадан ўқитиш усули қўлланилаётганди.

Эронда пандемия бошланганидан буён 382 мингдан ортиқ кишида коронавирус аниқланган, 22 мингга яқин киши вафот этган.

Тайёрлаган: Дилшод Аскаров

#Эрон #таълим

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.