Наманганда «Нексия» 6 ёшли қизни уриб кетди

Ушбу ҳолат бўйича Жиноят кодексининг 266-моддаси 2-қисми билан жиноят иши қўзғатилган.

Фото : KUN.UZ

Жорий йилнинг 24 сентябрь куни соат 11:30ларда "Косонсой-Наманган" йўлининг 1-км.да йўл-транспорт ҳодисаси содир бўлди.

Наманган вилояти ИИБ ахборот хизмати хабарига кўра, "Нексия" русумли автомашинани бошқариб кетаётган ҳайдовчи ҳаракат хавфсизлигини таъминлай олмай, йўлни кесиб ўтаётган пиёда 6 ёшли қизни уриб юборган.

Натижада, пиёда Д.А. тан жароҳати олиб, шифохонада вафот этган.

Ушбу ҳолат бўйича туман ИИБ ҳузуридаги ТБ томонидан Жиноят кодексининг 266-моддаси 2-қисми билан жиноят иши қўзғатилган.