Эрон мамлакат нефт ва банк соҳасига киритилган санкциялар олиб ташланишини маълум қилди
Шанба куни Эрон ва халқаро «бешлик» (Россия, Буюк Британия, Германия, Хитой ва Франция) комиссияси Венада бўлиб ўтган навбатдаги маслаҳатлашувлар натижасини кўриб чиқди.
Эрон ташқи ишлар вазири ўринбосари Аббос Арагчи ядровий келишув бўйича қўшма комиссия аъзолари учрашуви якунига кўра, томонлар Эроннинг айрим фуқаролари ҳамда мамлакат нефт ва банк соҳаларига нисбатан киритилган санкциялар олиб ташланишига келишишганини маълум қилди. Бу ҳақда Fars агентлиги хабар бермоқда.
«Индивидуал ҳамда энергетика, молия ва банк соҳаларига нисбатан киритилган соҳавий санкциялар ҳозирча эришилган келишувларга асосан олиб ташланиши лозим», — деди Арагчи.
Унинг аниқлик киритишича, бу масала бўйича музокаралар давом этмоқда.
Шанба куни Эрон ва халқаро «бешлик» (Россия, Буюк Британия, Германия, Хитой ва Франция) комиссияси Венада бўлиб ўтган навбатдаги маслаҳатлашувлар натижасини кўриб чиқди.
Венада апрел бошидан буён ядровий келишувни тиклаш бўйича қўшма комиссия музокаралари бўлиб ўтмоқда. Навбатдаги маслаҳатлашув 7 май куни ўтказилади.
Мавзуга оид
13:10 / 22.10.2024
Politico: ЕИда РФга қарши санкциялар бўйича муҳокама қайта бошланади
10:30 / 22.10.2024
ОАВ: Исроил Эронга қарши йирик ҳужумга тайёрланмоқда
10:20 / 22.10.2024
Эронлик эркак тинчлик учун 40 йил ичида 80 мамлакатни велосипедда айланиб чиқди
10:30 / 21.10.2024