Эронда сув танқислиги сабабли тартибсизликлар келиб чиқди

Эроннинг Ҳузистон вилоятида сув етишмовчилиги натижасида тартибсизликлар юз берди, деб хабар бермоқда Reuters.

Хабарда айтилишича, сув танқислигига қурғоқчилик ва Қорун дарёси сувининг камайиб кетиши сабаб бўлган.

Тартибсизликлар уюштирган маҳаллий аҳоли ҳавога ўқ узган, аммо ўқлардан бири саҳнада турган эркакка тегиши оқибатида у ҳалок бўлган.

Норозилик билдириб намойишга чиққанлар йўлларни тўсиш учун шиналарни ёққан, хавфсизлик кучлари эса намойишчиларни тарқатишга уринган.