Жиззах шаҳрида тадбиркорга тегишли ер майдонини фирибгарлик йўли билан пуллаётган иш бошқарувчи қўлга олинган Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Маълум қилинишича, Бош прокуратура ҳузуридаги Департамент ҳамда ДХХнинг Жиззах вилоят бошқармалари томонидан ўтказилган тезкор тадбирда, Жиззах шаҳридаги «H» МЧЖ иш бошқарувчиси И.Қ. ушланган.
У, фуқаро Б.Қ.га савдо ва маиший хизмат кўрсатиш марказини қуриш учун ажратилган 60 метр квадрат ер майдонини, фуқаро С.га 5 000 АҚШ долларига сотишни режалаштириб, шундан 4 000 доллар олган вақтида ашёвий далиллар билан қўлга олинган.
Қайд этилишича, мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Жиззахда 3 гектар ерни 45 минг долларга сотмоқчи бўлган шахслар ушланди
Жиззахда укасига тегишли фермер хўжалиги ерини сотмоқчи бўлган шахс ушланди
