Покистондаги автоҳалокатда газ баллони портлаши 10 кишининг умрига зомин бўлди

Фото: ТАСС

Покистоннинг Панжоб вилоятида 8 августда юз берган йўл-транспорт ҳодисасида камида 10 киши ҳалок бўлди. Geo News телеканалининг хабар беришича, 7 киши шифохонага етказилган, бироқ улардан бири кейинроқ вафот этган.

Полиция маълумотларига кўра, Гужранвала шаҳрида юз берган автоҳалокатда юк машинаси йўловчиларни олиб кетаётган автофургон билан тўқнашиб кетган. Шундан кейин автофургоннинг орқа қисмида ўрнатилган газ баллони портлаб кетган.

Маҳаллий шифохона ходимларининг таъкидлашича, жароҳатланганларнинг аҳволи оғир деб баҳоланган.

#Покистон #ЙТҲ