ИИББ Тошкентда отишма овозлари эшитилгани ҳақидаги хабарларни рад этди

Ижтимоий тармоқларда Тошкент шаҳрида отишма овозлари эшитилгани тўғрисида хабарлар тарқалди. Пойтахт Ички ишлар бош бошқармаси ахборот хизмати ушбу ҳолат юзасидан ахборот билан чиқди.

ИИББ ахборотида айтилишича, ушбу маълумот текширилган ва ҳақиқатдан йироқ.

Билдирилишича, кўп ҳолларда овозлар туғилган кунларда отилаётган мушакбозлик товушларидир.

“Текширув натижасига кўра бу ҳолатлар юзасидан тегишли чоралар кўрилади”, дейилади маълумотда.