«Qatar Airways» Ўзбекистонга мунтазам авиақатновларни амалга ошириш учун рухсатнома олди

“Qatar Airways” авиакомпанияси Ўзбекистон Республикасига мунтазам авиақатновларини амалга ошириш учун рухсатнома олди. Бу ҳақда Транспорт вазирлиги ҳузуридаги Фуқаро авиацияси агентлиги хабар бермоқда.

Қайд этилишича, Ўзбекистон Республикаси ва Қатар давлати ўртасидаги ҳаво қатнови тўғрисидаги ҳукуматлараро битим асосида "Ўзавиация" агентлиги томонидан Қатарнинг “Qatar Airways” авиакомпаниясига 2021 йил 7 сентябрда 13-К сонли Ўзбекистонга Доҳа - Тошкент - Доҳа йўналишида мунтазам парвозларни амалга ошириш учун эксплуатацион рухсатнома берилди.

Авиакомпания парвозларни Airbus 320, Airbus 321, Airbus 350, Boing 777 ва Boing 787 ҳаво кемаларида амалга оширади.