Сурхондарёда ўзаро жанжал пайтида ука акасини пичоқлаб жароҳат етказди

Сурхондарё вилояти Жарқўрғон туманида ўзаро жанжалда ука акасини пичоқлаб оғир тан жароҳати етказган. Бу ҳақда вилоят ИИБ ахборот хизмати хабар бермоқда.

Маълум қилинишича, жорий йил 13 октябрь куни соат 18:30 ларда Жарқўрғон туманида яшовчи К.С. акаси К.С. билан яшаш уйи ҳовлисида ўзаро жанжаллашиб қолган. Сўнг уни ошхона пичоғи билан ўнг қорин соҳасига бир маротаба санчиб, ҳаёт учун хавфли бўлган оғир тан жароҳати етказган.

Қайд этилишича, жорий йил 14 октябрь куни Жарқўрғон тумани ИИБ томонидан К.Санжарга нисбатан Жиноят кодексининг 104-моддаси 2-қисми «л» банди билан жиноят иши қўзғатилган.