15:58 / 23.09.2021
2021
Сурхондарёда хотинини рашк қилган эр уни жароҳатлаб ўлимига сабаб бўлди

Термиз шаҳрида хотинини рашк қилган эр унга пичоқ билан жароҳат етказган ва ўлимига сабаб бўлган. Бу ҳақда вилоят ИИБ ахборот хизмати хабар бермоқда.

Маълум қилинишича, 2021 йил 18 сентябр куни соат 15:00ларда Термиз шаҳрининг Темирйўлчи маҳалласида яшовчи, Қ.Қобил яшаш уйида, турмуш ўртоғи, Д.Жайронани рашк қилиб, ўзаро жанжаллашган.

Шундан сўнг Қ.Қобил қўлидаги пичоқ билан Д.Жайронанинг чап кўкрак қисмига бир маротаба уриб, унга ҳаёт учун хавфли бўлган оғир тан жароҳати етказган. Оқибатда Д.Жайрона касалхонага олиб борилаётганида йўлда вафот этган.

Қайд этилишича, жорий йил 18 сентябр куни Қ.Қобилга нисбатан Жиноят кодексининг 104-моддаси 3-қисми «д» банди билан жиноят иши қўзғатилган.

Top