Хоразмда «Ласетти» поезд билан тўқнашди, 2 киши ҳалок бўлди

3 ноябрь куни Хоразм вилояти, Ҳазорасп тумани, Карвак қишлоғидан ўтган маҳаллий йўлдаги қўриқланмайдиган темир йўл кесишмасида йўл-транспорт ҳодисаси билан боғлиқ фожиа юз берди.

Фото: Хоразм вилояти ИИБ Ахборот хизмати

Соат 17:40 ларда Карвак қишлоғида яшаган 48 ёшли фуқаро «Ласетти» русумли автомобилни бошқариб кетаётиб, темир йўл кесишмасидаги Stop йўл белгисига амал қилмасдан, ҳаракатни давом эттирган ва айни шу вақтда «Шовот – Тошкент» йўналишида ҳаракатланиб келаётган йўловчи поезди билан тўқнашган.

Оқибатда ҳайдовчи ва автомобил ичидаги 25 ёшли йўловчи воқеа жойида вафот этган.

Ҳолат юзасидан тергов ҳаракатлари олиб борилмоқда.