Ўзбекистон 2021 йилда Ҳиндистондан 300 млн долларлик дори импорт қилган

2021 йилда 63 та давлатдан фармацевтика маҳсулотлари импорт қилинган. Бу ҳақда Давлат статистика қўмитаси маълумот берди.

Фото: Getty Images

Қўмита хабарига кўра, 2021 йилда Ўзбекистонга 63 та давлатдан қиймати қарийб 1,6 млрд АҚШ долларига тенг бўлган фармацевтика маҳсулотлари импорт қилинган.

Қайд этилишича, фармацевтика маҳсулотлари импорти ҳажми 2020 йил билан солиштирилганда 437 млн АҚШ долларига ошган.

2021 йилда Ўзбекистон энг кўп фармацевтика маҳсулотларини импорт қилган давлатлар орасида Ҳиндистон етакчилик қилмоқда – 300,8 млн доллар.

Кейинги ўринлардан мос равишда Хитой (290,6 млн доллар), Россия (145 млн доллар), Украина (86 млн доллар), Германия (78 млн доллар), Венгрия (74 млн доллар), Латвия (68,5 млн доллар) ва Туркия жой олган (66 млн АҚШ доллари).

Бундан олдин Ўзбекистон ташқи савдо айланмасида энг юқори ўринни эгаллаган 10 та давлат маълум қилинганди.

#Ҳиндистон #импорт #дори #статистика