Москва биржаси ўзбек сўмида савдоларни бошлайди

Фото: Ведомости

Жорий йилнинг 27 июнь кунидан бошлаб Москва биржасининг валюта бозорида ўзбек сўми, арман драми ва Жанубий Африка ранди бўйича савдолар бошланади.

“Янги валюталар бозорнинг профессионал иштирокчилари, уларнинг мижозлари – жисмоний ва юридик шахсларнинг, шу жумладан ташқи иқтисодий фаолият субъектларининг савдо имкониятларини кенгайтиради”, дейилади хабарда.

Трейдерлар ва уларнинг мижозлари қуйидаги валюта жуфтликлари учун спот ва алмаштириш воситаларидан фойдаланишлари мумкин:

Жанубий Африка ранди — Россия рубли (ZAR/RUB);
АҚШ доллари — Жанубий Африка ранди (USD / ZAR);
Арман драми — Россия рубли (AMD/RUB);
АҚШ доллари — Арман драми (USD/AMD);
Ўзбек сўми — Россия рубли (UZS/RUB).

БАА дирҳами — Россия рубли (AED/RUB) ва АҚШ доллари — БАА дирҳами (USD/AED) валюта жуфтликлари бўйича савдоларнинг бошланиши эса кейинроқ эълон қилиниши айтилган.