Ўзбекистонда 45,4 мингта корхона ва ташкилотлар қурилиш соҳасида фаолият юритмоқда.
Фото: Kun.uz
2022 йил 1 июль ҳолатига Ўзбекистонда қурилиш соҳасида фаолият юритаётган корхона ва ташкилотлар сони 45,4 мингтани ташкил этиб, ўтган йил мос даврига нисбатан 1,6 мингтага ошди.
Давлат статистика қўмитаси маълумотларига кўра, республикада фаолият юритаётган қурилиш ташкилотлари фаолияти кесимида бино ва иншоотлар қуриш етакчи бўлиб турибди – 25 минг 702 та ташкилот.
Шунингдек, фуқаролик объектларини қуриш соҳасида 5 минг 259 та ташкилот, ихтисослаштирилган қурилиш бўйича 14 минг 408 та ташкилот фаолият юритмоқда.
Қурилиш ташкилотлари сони энг кўп бўлган ҳудудлар:
- Тошкент шаҳри – 9 244 та;
- Тошкент вилояти – 3 945 та;
- Фарғона вилояти – 3 771 та;
- Самарқанд вилояти – 3 429 та.
