Донецкда завод ўққа тутилиши натижасида аммиак сизиб чиқди

11 август, пайшанбага ўтар кечаси босиб олинган Донецк шаҳрининг Калинин туманидаги «Сармат» заводи ўққа тутилиши натижасида аммиак қувури шикастланди ва аммиак сизиб чиқди. Украинанинг «Инсайдер UA» Telegram-каналига кўра, кўплаб одамлар жароҳат олган, ҳозир шаҳарликлардан «деразаларни ёпиш ва ташқарига чиқмаслик» сўралмоқда. Шу билан бирга, ўзини «ДХР» деб эълон қилган ҳудудда фаолият юритаётган «Донецк ахборот агентлиги» «Ҳудудий мудофаа штаби»га таяниб, аммиакнинг чиқиши пайтида зарар кўрган ҳудуд 2 километрни ташкил этганини таъкидлади.

Дастлабки маълумотларга кўра, отишма вақтида заводда 32 киши бўлган, бир киши ҳалок бўлган, икки киши яраланган. 

Ўзини мустақил деб эълон қилган республика «ФВВ» аҳолига уйларини қўшимча равишда ёпиш ва лимон ёки сирка кислотасининг беш фоизли эритмаси билан намланган пахта-дока ниқоблар орқали нафас олиш чораларини кўришни тавсия қилди. 

Айни пайтда, ижтимоий тармоқларда Донецкдаги заводда ўққа тутилганидан сўнг бошланган ёнғиннинг видеоёзувлари фаол равишда тарқатилмоқда. 

«ДХР» «ҳокимияти» воқеада Украина ҳарбийларини айбламоқда.