Тошкентда тўртта янги автобус йўналиши ташкил этилди

Бугун, 16 август кунидан бошлаб Тошкент шаҳрида қатор янги автобус йўналишлари ташкил этилди. Бу ҳақда Тошкент шаҳар транспорт бошқармаси хабар бермоқда.

20-сонли "Ибн Сино 1-мавзеси-Гулобод кўчаси" йўналиши. Йўналиш ҳаракати Ибн Сино 1-мавзесидан Белтепа, Зангиота, Жарариқ, Кўксарой, Ипакчи 2-тор, Ипакчи, Қўрғонча, Оқсой, Кўкча Дарвоза, Лайлитўғон кўчалари орқали Гулобод кўчасига қадар соат 6:00 дан 21:30 гача ҳаракатланиши белгиланган.

52-сонли "Учувчилар шаҳарчаси-Тошкент вокзали" йўналиши. Йўналиш ҳаракати Учувчилар шаҳарчасидан Учувчилар, С.Toлипов 1-тор, Қумариқ, Г.Aлиев, Темирйўлчилар, Сарикўл, Туркистон кўчалари орқали, Тошкент вокзалига қадар соат 6:00 дан 21:30 гача ҳаракатланиши белгиланган.

138-сонли "Шифокорлар шаҳарчаси-Беруний метроси" йўналиши. Йўналиш ҳаракати Шифокорлар шаҳарчасидан Қамарнисо, Шифокорлар, Фаробий, Пахтачи, Зафаробод, Кичик ҳалқа йўли, Фаробий, Беруний кўчалари орқали Беруний метросига қадар соат 6:00 дан 21:30 гача ҳаракатланиши белгиланган.

139-сонли "Бирлик мавзеси-Чилонзор метроси" йўналиши. Йўналиш ҳаракати тўғри йўналишда Бирлик мавзесидан Кўркам, Кўкча Дарвоза, Назарбек, Журжоний, Фарҳод, Кичик ҳалқа йўли кўчалари орқали Чилонзор метросига қадар соат 6:00 дан 21:15 гача  ҳаракатланиши белгиланган.