«Иномарка»лар асосан қайси давлатлардан олиб келинаётгани маълум бўлди 

2022 йил январ-август ойларида Ўзбекистон 25 та хорижий давлатдан енгил автомобиллар импорт қилган. 

Давлат статистика қўмитаси маълумотларига кўра, 8 ойда Ўзбекистон енгил автомобилларни энг кўп импорт қилган давлатлар орасида Хитой етакчилик қиляпти – 8337 та.

Кейинги ўринлардан мос равишда 6784 та ва 3651 та «иномарка» олиб келинган Корея ҳамда Қозоғистон жой олди.

Ушбу кўрсаткич қолган давлатлар кесимида қуйидагича кўринишга эга:

• Россия – 1388 та;
• АҚШ – 237 та;
• БАА – 125 та;
• Япония – 91 та;
• Германия – 67 та.