Миллий статистика қўмитаси маълумотларига кўра, етти ойда мамлакатга олиб кирилган қўй гўшти ҳажми 2025 йилнинг мос даврига нисбатан 5,2 минг тоннага кўпайган. Бу қарийб 1,4 баравар ўсиш демакдир.
Мазкур даврда қўй гўштининг асосий қисми Қозоғистондан келтирилган — 16,9 минг тонна. Бу эълон қилинган умумий импорт ҳажмининг қарийб 90 фоизига тенг.
Ўзбекистонга қўй гўшти етказиб берган давлатлар бўйича кўрсаткичлар қуйидагича:
Қозоғистон — 16,9 минг тонна;
Мўғулистон — 891,3 тонна;
Россия — 635,7 тонна;
бошқа давлатлар — 517,2 тонна.
Мўғулистон ва Россия етказиб бериш ҳажми бўйича Қозоғистондан кейинги ўринларни эгаллаган.
Қайд этилган 37,7 фоизлик ўсиш импортнинг тонна ҳисобидаги ҳажмига тегишли. Хабарда импорт қийматининг ўтган йилга нисбатан қанча ўзгаргани келтирилмаган.
