Ўзбекистон мигрантларнинг пенсияси қандай расмийлаштирилиши тўғрисида маълумот берилди.
"Давлат хизматлари янгиликлари" каналига кўра, хорижда ишланган даврлар айрим шартларга кўра меҳнат стажига қўшилади.
Улар:
- 2019 йил 1 январга қадар бўлган давр учун - Ўзбекистон Молия вазирлиги ҳузуридаги бюджетдан ташқари Пенсия жамғармасига суғурта бадаллари тўланган тақдирда;
- 2019 йил 1 январдан кейинги давр учун - ягона ижтимоий тўлов тўланган тақдирда.
Ўзбекистон фуқароларининг ёлланма (битим) асосда хорижда ишлаганлиги ҳукумат томонидан ваколат берилган органлар меҳнат дафтарчасига киритган қайдномаларга қараб аниқланади.