Тошкентда бир йилда 136 киши ЙТҲ оқибатида ҳалок бўлди

Пойтахт ИИББ хабарига кўра, ҳисобот даврида ЙТҲ оқибатида ҳалок бўлганлар сони 136 нафарни ташкил этган, 1463 нафари тан жароҳати олган.

Йўл-транспорт ҳодисаларининг 32,5 фоизини пиёдалар иштирокидаги бахтсиз ҳодисалар ташкил этади. Болалар иштирокида 169 та ЙТҲ содир бўлган, бунинг оқибатида 56 нафар вояга етмаганлар тан жароҳати олган, 17 нафари вафот этган.

Ўтган бир йил давомида ҳайдовчилар томонидан энг кўп қайд этилган қоидабузарлик тезликни ошириш бўлган - 370 та ҳолат. 

143 нафар ҳайдовчи светофорнинг тақиқловчи ишорасига ўтган. 8 та бахтсиз ҳодиса автомобиль рулида ўтирган шахсларнинг маст ҳолатда бўлгани сабабли содир бўлган. 73 та ЙТҲ жиддий оқибатларга олиб келди.

Январь ойи ўрталаридан Тошкент шаҳрида Кичик ҳалқа йўли доирасида рухсат этилган ҳаракат тезлиги 70 км/соатдан 60 км/соатгача пасайтирилди. Урганч ва Наманганда ҳам худди шундай чеклов бутун шаҳарга, бошқа вилоятларда кўча ва йўлларнинг айрим қисмларига ҳам тегишли этиб белгиланди.