Ўзбекистон ТИВ раҳбари Тожикистон ташқи ишлар вазирига ҳамдардлик билдирди

Ўзбекистон ташқи ишлар вазири вазифасини бажарувчи Бахтиёр Саидов Тожикистон ташқи ишлар вазири Сирожиддин Муҳриддин билан телефон орқали мулоқот қилди.

Фото: Ховар

Бахтиёр Саидов Тожикистон ТИВ раҳбарига мамлакатнинг жанубий-шарқида содир бўлган қор кўчкилари оқибатида кўплаб инсонлар ҳалок бўлиши муносабати билан ҳамдардлик билдирди.

Суҳбат чоғида икки давлат президентлари ўртасида эришилган келишувларни амалга ошириш юзасидан ҳам фикр алмашилди.

Олий ва юқори даражада режалаштирилган тадбирлар жадвали ва ташкилий жиҳатлари ҳам кўриб чиқилди.