Самарқанд вилоятининг Ургут туманидан бўлган Яҳёбек Полвонов АҚШга тандир олиб борган ўзбеклардан бири. У 2016 йилда Нью-Йоркда ўзбек ошхонасини очган. 20 кишини ишли қилган ошпаз айни пайтда бу ерда 36 хил ўзбек миллий таомларини пиширмоқда.
“АҚШда бизнес юритиш тилни билган инсонга қийин эмас. Қонуний ишласангиз, солиқларни ўз вақтида тўласангиз бас. Масалан, 10 минг АҚШ доллари пул топсак, шунинг қарийб 900 долларини солиқ сифатида тўлаймиз. Бир порс ош нархи 13 доллар, сомса эса 3-4 доллар”, — дейди Яҳёбек Полвонов.
Ошпазнинг таъкидлашича, ошхонада кунига 25 килограмм ош дамланади, мингтагача сомса пиширилади. Мижозларимиз асосан миллий таомларимизни соғинган ҳамюртларимиз. Бошқа миллат вакиллари ҳам овқатланиш учун келиб туришади.
Фаррух Абсаттаров,
Kun.uz
Нью-Йорк.
