Айни вақтда мактаб ўқувчисига ташланган итлар ушланиб, карантинга олинган. Боланинг аҳволи яхши экани айтилмоқда.
Фото: Видеодан кадр
11 июль куни тармоқларда такси ҳайдовчиси мактаб ёшидаги болани итлар ҳамласидан қутқариб қолгани акс этган видео тарқалди. Унда ҳолат Самарқанд шаҳрида бўлгани айтилади.
Ҳолат юзасидан Самарқанд вилояти ИИБ матбуот котиби Жаҳонгир Сагдуллаев баёнот берди. Маълум бўлишича, ҳолат 8 июль куни Самарқанд шаҳрининг Набиев-4 кўчасида содир бўлган.
Кўчадаги машина устахонаси ичида юрадиган итлар кўчадан ўтиб кетаётган болакайга ташланган. Шу вақтда такси ҳайдовчиси ҳолатни кўриб қолиб, итларни ҳайдаган ва болакайга ёрдам берган.
Ҳозирда болага ташланган итлар ушланиб, карантинга олинган. Боланинг аҳволи яхши экани айтилмоқда.
Шунингдек, қўшимча ўрганишлар давомида итларнинг эгаси аниқланса, унга нисбатан ҳам қонуний тартибда чора кўрилиши айтилди.
