«Испанияда аниқ ўйнаб кетарди». Абрамов Файзуллаев Россия чемпионатига ўтаётгани ҳақида

Ўзбекистон миллий жамоаси собиқ бош мураббийи Вадим Абрамов «ВсеПроСпорт» нашри мухбирининг «Пахтакор»дан ЦСКАга ўтаётган Аббос Файзуллаев ҳақидаги саволларига жавоб қайтарди.

«Файзуллаев – жуда иқтидорли ва умидли футболчи. Аммо Россия футболи кўпроқ жисмоний кучга асосланган. Аббосбек Испанияда аниқ ўйнаб кета олган бўларди, Россияда эса ўйнаб кета оладими, билмайман. Агар ЦСКАда ўйнаб кета олса, аниқки, уни Европага яхши нархга сотишади. Еврокубок? «Ростов» ҳам еврокубокларда қатнашмасди, аммо Шомуродов Италияга кўчиб ўтганди.

Дарвоқе, 4 кундан кейин бошқарувимдаги «Динамо» кубок доирасида «Пахтакор»га қарши ўйнайди. Шундай экан, мен Файзуллаев ҳали Россияга кетмаган бўлса, уни қандай тўхтатиш мумкинлиги ҳақида ўйлашимга тўғри келади. ЦСКА тезроқ сотиб ола қолсайди (кулади)», - дейди Вадим Карленович Россия нашри мухбири билан суҳбатда.

Аввалроқ, «Пахтакор» яримҳимоячиси Аббос Файзуллаев 500 минг евро трансфер пули эвазига ЦСКАга кўчиб ўтаётгани ҳақида хабар қилинганди.