Аббосбек Файзуллаев «Истанбул Бошоқшеҳир» таркибидаги дебютини ўтказди

Ўзбекистон миллий жамоаси яримҳимоячиси Аббосбек Файзуллаев Туркиянинг «Истанбул Бошоқшеҳир» клубидаги дебют ўйинини Конференциялар лигаси саралашининг сўнгги босқичи доирасида Руминиянинг "Крайова" клубига қарши ўтказди.

У 77-дақиқада Дениз Туруч ўрнига майдонга тушди.

Ушбу баҳсда «Истанбул Бошоқшеҳир» 1:2 ҳисобида мағлубиятга учради.

Истанбул клуби июлда Аббосбек Файзуллаев билан беш йиллик шартнома имзолаганди. Журналист Усмон Алтунтеримнинг маълумот беришича, трансфер суммаси 7 млн еврони ташкил этган.