Тошкентдаги «Бунёдкор» стадионида 30 мингдан ортиқ томошабин қаршисида кечган миллий жамоамиз учун йилнинг энг муҳим тўқнашувида форслар биринчи бўлимнинг ўзида 13-дақиқада Ризоиён ва 38-дақиқада Торемийнинг голидан кейин ҳисобда икки тўп фарқи билан олдинда эди – 0:2.
Сречко Катанец шогирдлари иккинчи бўлимда ўйинда бурилиш ясашди. Айниқса, Аббосбек Файзуллаев ва Игор Сергеев захирадан майдонга тушгач, вазият ўзгарди. Остон Ўрунов 52-дақиқада ҳисобни қисқартирди – 1:2.
83-дақиқада эса Шукуров – Шомуродов – Файзуллаев – Ўруновнинг ажойиб комбинациясини Сергеев дарвозага йўллаб, камбэк муаллифига айланди – 2:2.
Шу тариқа, Ўзбекистон 14 йил ўтиб, Тошкентда Эрон билан яна дуранг қайд эта олди, аммо форслар пойтахтимизда ўз тарихидаги мағлубиятсиз сериясини давом эттиришди. Эрон 4 очко билан гуруҳда пешқадамликни сақлаб қолди, Ўзбекистон ҳам шунча очко ва тўплар нисбатига кўра 2-ўринда бормоқда. Туркманистон ва Ҳонгконг эса дуранг (2:2) қайд этиб, ўз ҳисобларига бир очкодан ёзиб қўйишди.
ЖЧ-2026 ва Осиё Кубоги-2027 қўшма саралаш босқичи.
«E» гуруҳи. 2-тур. 21 ноябр
Ўзбекистон – Эрон – 2:2
Бош ҳакам: Муҳаммад Абдулла Ҳассан (БАА)
Голлар: Остон Ўрунов 52, Игорь Сергеев 83 – Рамин Ризоиён 13, Меҳди Торемий 38.
Ўзбекистон: 1.Ўткир Юсупов, 3.Ҳожиакбар Алижонов, 4.Фаррух Сайфиев, 5.Рустам Ашурматов (21.Игорь Сергеев, 82), 7.Отабек Шукуров, 9.Одилбек Ҳамробеков, 10.Жалолиддин Машарипов (22.Аббос Файзуллаев, 62), 11.Остон Ўрунов, 14.Элдор Шомуродов, 15.Умарбек Эшмуродов, 23.Ҳусниддин Алиқулов.
