Орол денгизи бўйлаб 42 км: Оролбўйида экомарафон бўлиб ўтади

Бу йилги пойга кенг жамоатчилик учун очиқ. Ушбу экстремал марафонда 100 нафар спортчи ва ҳаваскорлар иштирок этиши мумкин.

Фото: Kun.uz

23 июн куни Орол денгизининг қуриган тубида Бутунжаҳон чўлланиш ва қурғоқчиликка қарши курашиш куни муносабати билан экомарафон бўлиб ўтади.

Ушбу марафонни ўтказишдан мақсад Орол денгизининг экологик фалокати ва сув ресурсларидан оқилона фойдаланиш зарур эканлигига жамоатчилик эътиборини қаратишдан иборат. Марафон маршрути Оролнинг қуриган туби бўйлаб ҳозирга қадар сув ресурслари сақланиб қолган ҳудудларгача давом этади.

Бу йилги пойга кенг жамоатчилик учун очиқ. Ушбу экстремал марафонни забт этиш истагида бўлган 100 нафар спортчи ва ҳаваскорлар иштирок этиши мумкин.

2023 йилда ProRun югуриш мактаби асосчиси Андрей Куликов Орол денгизининг қуриган туби ва Борса келмас шўр кўли бўйлаб 42 км 195 метр масофани босиб ўтган.