Қозоғистоннинг Олмаота шаҳрида паравелоспортнинг шоссе йўналиши бўйича Осиё чемпионати бўлиб ўтди. Унда ўзбекистонликлар умумжамоа ҳисобида 1-ўринни эгаллади.

Терма жамоа чемпионат доирасида 10 та олтин, 3 та кумуш ва 6 та бронза, жами 19 та медаль олди. Мусобақада Таиланд иккинчи, мезбон Қозоғистон эса учинчи ўринни эгаллади.

Медалчилар

эркаклар:

  • Бунёдбек Ҳайтмаҳаммадов (C1) олтин;
  • Ғолиббек Мирзаёров (C2) олтин;
  • Оғабек Ҳудерганов (C3) олтин;
  • Азимбек Абдуллаев (C5) олтин;
  • Азиз Атахўжаев (Т1) олтин;
  • Баходир Одинаев (Т2) олтин;
  • Тўлқин Равшанов (Т2) кумуш;
  • Саиджаббор Дадахонов (Т1) бронза;
  • Боймурод Явқочев (C5) бронза;
  • Аброрбек Ибрайимов (C4) бронза;
  • Азизхўжа Олимхўжаев (C2) бронза;
  • Муҳаммед али Жўлимбетов (C3) бронза.

Аёллар:

  • Азизахон Қосимова (C3) олтин;
  • Камола Нуриллаева (C4) олтин;
  • Лазиза Усмонова (Т1) олтин;
  • Одина Ҳамдамова (Т2) олтин;
  • Фотима Соипова (Т1) кумуш;
  • Зарифа Мўминова (Т2) кумуш;
  • Фотимахон Ҳайдарова (Т2) бронза.