Қўшимча функционаллар
-
Тунги кўриниш
Воронеж яқинида юк поезди релсдан чиқиб кетди
Ғалла ортилган тўққизта вагон Батайск томон кетаётганда релсдан чиқиб кетган. Қурбонлар ҳақида маълумот берилмаган.
Фото: Москва минтақалараро транспорт прокуратураси
Воронеж вилоятининг Лиски станциясида юк поезди релсдан чиқиб кетди, деб хабар бермоқда 14 июл, якшанба куни Жануби-Шарқий темирйўл Telegam-канали. Ҳодиса оқибатларини бартараф этишни мувофиқлаштириш учун Жануби-Шарқий темирйўлда тезкор штаб ташкил этилди.
Айни пайтда, Baza Telegam-каналининг аниқлик киритишича, гап Батайскка кетаётган 69 вагонли поезд ҳақида кетмоқда. Ғалла ортилган тўққизта вагон релсдан чиқиб кетган, дейилади постда. Журналистларнинг сўзларига кўра, ҳодиса техник сабабга кўра содир бўлган — йўналишни ўзгартирувчи тизим ишламаган.
Хабар эълон қилинган пайтда жабрланганлар ҳақида ҳеч қандай маълумот берилмаган. Айни вақтда ҳодиса оқибатида яна бешта поезд ҳаракати тўхтаб қолди.
«Лиски транспорт прокуратураси ушбу факт бўйича текширувни бошлади. Текширув натижаларига кўра ва агар асослар мавжуд бўлса, прокурор томонидан чоралар кўриш масаласи кўриб чиқилади», — дейилади Москва минтақалараро транспорт прокуратураси матбуот хизмати хабарида.
Мавзуга оид
10:12 / 22.11.2024
Метро учун яна 26 та поезд харид қилинади
09:53 / 20.11.2024
Воронеж яқинидаги саноат корхонасига дронлар ҳужум қилди
07:54 / 18.11.2024
Тошкент - Бухоро - Тошкент йўналишида янги поезд қатнови йўлга қўйилади
23:28 / 14.11.2024