Қўшимча функционаллар
-
Тунги кўриниш
“Ташаббусли бюджет” ғолиблари эълон қилинди
Республика бўйича 1 772 та лойиҳа ғолиб деб топилди. Уларни молиялаштиришга 2,1 триллион сўмдан ортиқ маблағ ажратилади. Энг кўп овозни Косон туманидан қўйилган лойиҳа тўплаган – 14 663 та. Чирчиқ шаҳридан қўйилган лойиҳа эса атиги 52 та овоз билан ғолиб бўлган.
Энг кўп овоз тўплаган 6 та лойиҳа / Openbudget.uz сайтидан скриншот
“Очиқ бюджет” порталида “Ташаббусли бюджет” жараёнининг 2024 йилдаги 2-мавсуми ғолиб лойиҳалари эълон қилинди. Бу ҳақда Иқтисодиёт ва молия вазирлиги матбуот хизмати хабар бермоқда.
Жараёнларда республика бўйлаб 9 млн 81 мингта овоз берилган ва 2 трлн 139 млрд сўмлик 1 772 та лойиҳа ғолиб деб топилган.
Республика бўйлаб энг кўп овозни Косон туманидан қўйилган лойиҳа (ички йўлларни таъмирлаш) тўплаган – 14 663 та. Чирчиқ шаҳридан қўйилган лойиҳа (ички йўлларни таъмирлаш) эса энг кам – атиги 52 та (!) овоз билан ғолиб бўлган.
Маълумот учун, мавсумга 6 июлдан старт берилганди. Лойиҳалар киритиш 6−26 июл кунлари, уларни саралаш 26 июл-15 август ҳамда тарғибот қилиш 15-22 август кунлари бўлиб ўтган. Овоз бериш босқичи эса 31 август куни якунланди.
Мавзуга оид
19:34 / 14.09.2024
“Ташаббусли бюджет”да 177 та лойиҳа қўшимча ғолиб деб топилди
17:08 / 10.09.2024
Ўқитувчиларни овоз йиғишга мажбурлаган мактаб директори 34 млн сўм жаримага тортилди
21:59 / 27.08.2024
«Ташаббусли бюджет»да овоз йиғишга мажбурлаш ҳолатлари юзасидан 39 та шикоят тушди
15:20 / 26.08.2024