Тошкент шаҳрида янги турдаги автобус бекатлари ўрнатилиши режага киритилган. Бу ҳақда пойтахт ҳокимлиги хабар берди.
Қайд қилинишича, янги турдаги бекатлар 2 хил ўлчамда: 3,2 метр ва 6,5 метр бўлади.
Бекатлар замонавий мултимедиа тизимлари ва ички ишлар органларига тезкор чақирув тугмаси билан таъминланади. Шу билан бирга, видеокузатув камераси ўрнатилади.
Таъкидланишича, бекатдаги ойна -25 даража совуқ ҳамда +60 даража иссиққа бардош бера олади.
