Доминикана расмийлари рекорд даражадаги 9,5 тонна кокаинни мусодара қилди

Контрабанда Гваемаладан келган ва Европага жўнатилиши керак бўлган банан юкида аниқланди.

Фото: AP/José Adames

Доминикана Республикаси расмийлари ўз мамлакати тарихидаги энг йирик бўлган 9,5 тонналик кокаинли юкнинг қўлга олингани ҳақида хабар берди. Партия нархи 250 миллион долларга баҳоланмоқда.

Voz de America хабарига кўра, гиёҳванд моддалар Санто-Доминго шаҳридаги Кауседо портида мусодара қилинган.

Наркотик моддаларни назорат қилиш миллий агентлиги вакили Карлос Деверснинг тушунтиришича, кокаин Гватемаладан банан контейнерида келган ва Белгияга юборилиши керак бўлган. Расмийлар порт ходимларидан 10 кишининг ҳибсга олинганини маълум қилди.

Доминикана Республикасида илгари топилган энг катта кокаинли юк 2006 йилда 2,5 тоннани ташкил қилган.

2024 йил январ ойидан бери Доминикана расмийлари 46,7 тонна гиёҳванд моддаларни мусодара қилди, 2023 йилда бу кўрсаткич 25 тоннага тенг эди.

2024 йил сентябр ойида АҚШ президенти Жо Байден меморандумда Доминикана Республикасини қитъадаги энг йирик гиёҳванд моддалар савдоси ва ишлаб чиқарувчи мамлакатлардан бири сифатида белгилади.