Салкам 50 минг нафар ўзбекистонлик қариндошини йўқлаш мақсадида Туркияга борган

Статистика агентлиги маълумотларига кўра, 2024 йил январ-декабр ойларида 229,3 минг нафар Ўзбекистон фуқаролари туристик мақсадларда Туркияга сафар қилган. 

Бу кўрсаткич ўтган йилнинг мос даври билан солиштирилганда 41,5 минг нафарга ёки 22,1 фоизга ошган.

2024 йилда Туркияга борган Ўзбекистон фуқароларининг сафар мақсадлари қуйидагича:

• сайёҳлик – 174 102 нафар;
• қариндошларни йўқлаш – 46 656 нафар;
• даволаниш – 4 116 нафар;
• ўқиш – 2 711 нафар;
• хизмат юзасидан – 1 671 нафар.