Париж ва Лондон Украинада бир ойлик сулҳни таклиф қилди

Франция ва Британия Россия ва Украина ўртасида бир ойлик қисман сулҳ тузишни таклиф қилмоқда. Франция давлати раҳбари Эммануэл Макрон 2 март, якшанба куни Le Figaro газетасига интервю берди.

Maкрoннинг айтишича, ўт очишни тўхтатиш ҳаво ва денгиз зарбалари ҳамда энергетика инфратузилмасига ҳужумларни тўхтатишга қадар чўзилиши мумкин.

«Ўт очишни тўхтатиш бўлса, (у) фронтда амалда экани ёки йўқлигини текшириш жуда қийин бўлади», деб таъкидлади Эммануэл Maкрoн ва фронт чизиғининг узунлиги Париждан Будапештгача бўлган масофага тенг эканлигини қўшимча қилди.

«Яқин ҳафталарда Украина тупроғида Европа қўшинлари бўлмайди»

Maкрoн Украина бўйича Европа саммити учун Лондонга учиб кетаётганда Le Figaro газетасига интервю берди. Саммитни Британия бош вазири Кир Стармер тинчлик режасини ишлаб чиқиш бўйича саъй-ҳаракатларни илгари суриш учун чақирди, деб хабар берди Reuters агентлиги.

Франция-Британия таклифига кўра, Европа қуруқликдаги кучлари Украинага фақат иккинчи босқичда киритилади.

«Яқин ҳафталарда Украина тупроғида Европа қўшинлари бўлмайди», — дея Maкрoн сўзларини келтирган Le Figaro. Унинг сўзларига кўра, музокаралар кўп ҳафталар давом этиши мумкин, тинчликпарвар контингент эса тинчлик битими имзолангандан кейин жойлаштирилиши мумкин.

Украина президенти Володимир Зеленский Maкрoннинг режаси ҳақида гапирар экан, у «ҳамма нарсадан хабардорлигини» айтди.