Симуляция ва фойдаланилмаган пеналти — Машарипов ва Шомуродовнинг Қирғизистонга қарши ўйиндан кейинги фикрлари

Қирғизистонга қарши ўйин осон бўлмади. Яхши имкониятларимиз бўлди, лекин тўп дарвозага киришни хоҳламади. Энг муҳими керакли 3 очкони қўлга киритдик.

Биринчи бўлимдаги пеналти? Элдорга тепасанми ёки тепайми дедим. У тепаман деди. Мен майли дедим.

Симуляция ва сариқ карточка? Исталган футболчи Эронга қарши муҳим ўйинда ўйнагиси келади. Ўша вазиятда бекор бундай қилдим деб ўйлайман. Аллоҳнинг режаси ҳар доим бизникидан яхши деб биламан.

Жаҳон чемпионатига қанчалик яқинлашдик? Ўлашимча, 90 фоиз яқиналшдик. Аммо ҳаммаси кейинги ФИФА кунларига қолади деб ўйлайман», — дейди Машарипов.

«Муҳим 3 очкони қўлга киритиб, жаҳон чемпионати сари яна бир қадам ташладик. Олдимизда яна бир финал турибди. Эронни ютсак, мундиални 99 фоиз ҳал қилган бўламиз. Ғалаба учун бор кучимиз билан ҳаракат қиламиз.

Пеналти? Футболда бўладиган ҳолат, муҳими ғалаба қозондик. Ярим жамоа гол ура олмаслигимни сезганини (кулади) айтди» — дейди Шомуродов.

Ўзбекистон жаҳон чемпионати саралаши доирасида 25 март куни Эрон меҳмони бўлади.