Европанинг ўзи даволанадиган жой
Карлови Вари — Чехиядаги энг йирик бальнеологик курорт бўлиб, Европанинг энг машҳур соғломлаштириш жойларидан бири ҳисобланади. Бу ерга юзлаб йиллар давомида аристократия вакиллари, олимлар, бастакорлар ва ёзувчилар ташриф буюрган: Пётр I дан бошлаб Гётегача, Шопендан тортиб Бетховенгача. Ҳар бири бу ерда нафақат енгиллик, балки илҳом ҳам топган.
Минерал булоқлар — курортнинг юраги
Карлови Варининг асосий бойлиги — бу 13 та иссиқ минерал булоқлар (шунингдек, 60 дан ортиқ камроқ машҳур булоқлар мавжуд) бўлиб, уларнинг ҳарорати 30 даражадан 72 даражагача ўзгаради. Сув минералларга бой бўлиб, ичиш, ингаляция ва ванналар учун қўлланилади. Ҳар бир булоқ кимёвий таркиби ва мақсадга қараб фарқланади — бу ерда ҳар бир бемор учун индивидуал даволаш курси танланади.
Санаторийлар: анъана ва қулайлик
Карлови Варида ўнлаб санаторийлар фаолият юритади — асрлар тарихига эга қадимий мажмуалардан бошлаб Европа аккредитациясига эга замонавий тиббий марказларгача.
Ҳар бир санаторий бемор ҳолати таҳлил қилиниб, шифокор билан консультациядан сўнг тузиладиган индивидуал даволаш дастурларини таклиф қилади.
Бу ерда нималар даволанади?
Карлови Вари сурункали касалликларни даволаш, операциялар ёки стрессдан кейинги тикланиш бўйича машҳур. Асосий йўналишлар:
· Ошқозон-ичак тракти
Гастрит, яра, панкреатит, жигар ва ўт пуфаги касалликлари.
· Моддалар алмашинуви ва диабет
Курслар қондаги шакар миқдорини назорат қилиш, вазнни камайтириш, холестерин даражасини нормаллаштиришга ёрдам беради.
· Таянч-ҳаракат аппарати
Ванналар, массажлар, лойли муолажалар ва даволовчи жисмоний машқлар оғриқни камайтиради, бўғимлар ҳаракатчанлигини оширади, остеохондроз, артрит ва жароҳатлардан кейинги асоратларни даволайди.
