Бироқ интернетда ва ижтимоий тармоқларда “лазер эпиляцияси тери саратонига олиб келиши мумкин” деган миш-мишлар тарқалмоқда. Унда қайси даражада ҳақиқат бор? Бу ҳақда AҚШ Миллий тиббиёт институти маълумотларига асосланиб таҳлил қиламиз.
Лазер муолажалари — қанчалик хавфсиз?
Кўпчилик косметология марказларида қўлланадиган лазер ва IPL (кўчли импульсли ёруғлик) технологиялари бугунги кунгача хавфсиз ҳисобланади. Бироқ муолажа тўғри бажарилмаса, айрим салбий таъсирлар кузатилиши мумкин:
- терида қизариш, тери кўчиши;
- вақтинчалик пигментация ўзгаришлари (очариши ёки тўқлашиши);
- ноўрин ва кучли таъсир натижасида — пўст ва чандиқ қолиши.
Бу асоратлар асосан мутахассис бўлмаган, лицензиясиз марказларда ёки терига мослаштирилмаган ускуналарда бажарилган ҳолатларда юз беради.
Саратон хавфи: ҳақиқат ёки миш-миш?
Лазер ва IPL тизимлари ионлаштирувчи бўлмаган нурланишдан фойдаланади. Бу нурланиш тури ДНК занжирларини шикастламайди, демакки, саратон хуружига олиб келмайди.
Тери саратонларини келтириб чиқарувчи асосий омиллар қуйидагилардир:
- ултрабинафша (УФ) нурланишнинг юқори дозада ва узоқ вақтда таъсири (куёш нурлари ёки солярий);
- ирсий омиллар;
- иммунитет мувозанатининг бузилиши;
- зарарли моддалар билан тўғридан тўғри алоқада бўлиш.
Айниқса, хавфли тери саратон тури организмдаги меланин ишлаб чиқарувчи ҳужайралар (меланоцитлар) мувозанатидан чиққанида ривожланади. У кўпинча теридаги холлар орқали намоён бўлади.
Хулоса: лазер эпиляцияси билан онкология ўртасида тўғридан тўғри боғлиқлик йўқ
Ҳозирча лазер эпиляцияси тери саратон касаллигига олиб келган
