Rheinmetall Германия ва Нидерландиядан миллиард евролик буюртма олди

Германиянинг Rheinmetall концерни Германия ва Нидерландия қуролли кучлари учун 222 та зирҳли транспортёр ишлаб чиқариш бўйича шартнома имзолади. Буюртманинг умумий қиймати 3 миллиард евродан ошади.

Фото: Rheinmetall

20 октябр, душанба куни Германиянинг Rheinmetall концерни Германия ва Нидерландия қуролли кучларига ҳарбий техника етказиб бериш бўйича кўп миллиард евролик янги шартнома ҳақида эълон қилди. Rheinmetall баёнотига кўра, концерн 222 та «Шоқол» бронетранспортёрига буюртма олган.

Буюртма Rheinmetall компаниясига тегишли Artec компанияси ва шу номдаги Нидерландия концерни таркибига кирувчи Германиянинг KNDS мудофаа компанияси томонидан бажарилади.

150 та зирҳли техника Бундесверга, 72 таси Нидерландия армиясига етказилади. Шартноманинг умумий қиймати 3,41 миллиард евро, Rheinmetall улуши эса - 3 миллиард евро. Rheinmetall акциялари ушбу эълондан сўнг сезиларли даражада ошди, деб хабар беради dpa ахборот агентлиги.

«Янги зирҳли транспортёр энг юқори даражадаги ҳаракатчанлик, ҳимоя ва ўқ отиш қобилиятини ўзида мужассам этган», — дейилади компания баёнотида. «Шоқол» — бу Boxer зирҳли жанговар машинаси (ЗЖМ) ва Puma ЗЖМ минорасининг комбинацияси бўлиб, пулемёт билан жиҳозланган.

Июл ойида Европа Иттифоқининг 18 давлати, жумладан Франция, Испания ва Полша қўшма мудофаа инвестиция дастури (SAFE, Security Action for Europe) доирасида мудофаа лойиҳалари учун камида 127 миллиард евро миқдорида кредит сўраган.