Ipak Yuli Bank EEFU билан ҳамкорликда исломий молиялаштириш йўналишини кенгайтирмоқда

Шариат тамойиллари асосида тадбиркорликни қўллаб-қувватлаш

Ажратилаётган маблағлар микро, кичик ва ўрта бизнес субъектларини, шунингдек, ўз фаолиятини шариат нормаларига мувофиқ ривожлантиришни хоҳловчи тадбиркорларни молиялаштиришга йўналтирилади. Ушбу янги ресурс тадбиркорларга ҳалол, аниқ ва шаффоф молиявий воситалардан фойдаланиш имконини яратиб, уларнинг барқарор ўсиш салоҳиятини кенгайтиради.

Исломий молиялаштириш — бизнес учун шаффоф ёндашув

Исломий молиялаштириш — бу шариат қоидаларига асосланган молиявий хизматлар тизими бўлиб, энг аввало, фоиз олиш ва фоиз тўлашни тақиқлайди, шунингдек, спекулятив операцияларни ҳам чеклайди. Анъанавий кредитлаш тизимидан фарқли ўлароқ, бу ерда молиялаштириш реал савдо-сотиқ ва активлар олди-сотдисига асосланади.

Ушбу тизимдаги асосий воситалардан бири — Murabaha (ҳалол бўлиб-бўлиб тўлаш). Бунда молиявий ташкилот товар, ускуналар ёки хомашёни ўзи харид қилади ва мижозга олдиндан келишилган нарх устамаси билан бўлиб-бўлиб сотади. Мижоз операция бошидаёқ тўлиқ суммани билади: фоизсиз ва яширин тўловларсиз.

Молиялаштириш фақат реал активлар билан таъминланиши мумкин — ускуна, техника, хомашё ёки ишлаб чиқариш билан боғлиқ айланма маблағлар. “Пулнинг ўзини сотиш” ёки қайта сотиш шаклидаги операциялар шариатда рухсат этилмайди.

Исломий молиялаштириш аниқ, ҳалол ва барқарор ривожланишга хизмат қилувчи альтернативани таклиф этади.

Исломий молиялаштиришнинг афзалликлари:

• Фоизларсиз — барча шартлар олдиндан маълум.
• Шаффоф олди-сотди модели — кредитлаш эмас, савдо битими.
• Реал активларга асосланганлик — хатарларнинг камайиши.
• Яширин комиссиялар йўқ, шартлар ўзгармайди.
• Шариатга мувофиқлик — ҳар бир битим махсус текширувдан ўтади.
• Ҳалоллик ва ишонч — операциялар ислом ҳуқуқи талабларига мос.

EEFU ҳақида

Ўзбекистон Иқтисодий имкониятларни кенгайтириш жамғармаси (EEFU) қуйидаги халқаро ташкилотлар кўмагида ташкил этилган:

• Ислом тараққиёт банки (IsDB)
• Саудия тараққиёт жамғармаси (SFD)
• Ўзбекистон Тикланиш ва Тараққиёт Жамғармаси

Жамғарма Ўзбекистонда инклюзив, барқарор иқтисодий ривожланишни қўллаб-қувватлайди ҳамда исломий молиялаштириш тамойилларини фаол тарғиб қилади.

Ҳамкорлик аҳамияти

Мазкур келишув Ipak Yuli Bank’нинг Ўзбекистонда исломий молиялаштиришни ривожлантиришга қаратилган узоқ муддатли стратегиясининг навбатдаги қадами ҳисобланади. Банк шариат талабларига мос молиявий маҳсулотлар қаторини изчил кенгайтириб, ҳалол бизнес юритишни истовчи тадбиркорлар учун қулай экотизим яратмоқда.

“Бу ҳамкорлик Ўзбекистонда исломий банк хизматларини ривожлантиришдаги муҳим қадамдир. Биз тадбиркорлар учун ҳалол молиявий воситаларни янада оммалаштиришни, уларнинг барқарор бизнес ташаббусларини қўллаб-қувватлашни мақсад қилганмиз”, — дея таъкидлади Ipak Yuli Bank вакиллари.

Бизнес учун имкониятлар ҳақида батафсил маълумотни https://ru.ipakyulibank.uz/legal сайтидан олишингиз мумкин.

Ipak Yuli Bank ҳақида

1990 йилда мустақил Ўзбекистоннинг биринчи хусусий банки сифатида асос солинган Ipak Yuli Bank бугунги кунда 2,5 миллиондан ортиқ мижозга хизмат кўрсатмоқда. Банк чакана, корпоратив ва инвестицион маҳсулотларнинг кенг доирасини таклиф этади, 5 миллиондан зиёд карталарни муомалага чиқарган ҳамда 900 дан ортиқ банкомат ва 20 000 POS-терминалдан иборат тармоққа эга.

Рақамли трансформациянинг етакчиларидан бири сифатида банк мижозлар тажрибасини яхшилаш ва барқарор ривожланишга алоҳида эътибор қаратади. Ipak Yuli Bank We-Finance Code ташаббусига қўшилган, ESG стандартларига амал қилади ва ISO 9001 ҳамда ISO 14001 халқаро сертификатларига эга. Банк акциядорлари қаторида DEG (Германия) ва Triodos Investment Management (Нидерландия) каби нуфузли халқаро молия институтлари мавжуд.

 Банкнинг ишончлилиги халқаро рейтинглар (Fitch — B, Moody’s — B1) ва ADB’нинг Савдо ва таъминот занжири молия дастури (TSCFP) доирасидаги Confirming Bank мақоми билан тасдиқланган. Сўнгги йилларда Ipak Yuli Bank маркетинг, рақамли инновациялар, карталар эмиссияси ва барқарор ривожланиш борасидаги ютуқлари учун Visa, Mastercard, Uzcard ва Европа Тикланиш ва тараққиёт банки (EBRD) томонидан бир қатор халқаро мукофотларга эга.

Ipak Yuli Bank — Think Big / Катта мақсадлар сари

Мижозларга ғамхўрлик қилиш бошқармаси телефон рақами: 1296, 78 140-69-00

Веб-сайт: ipakyulibank.uz 

Банк ижтимоий тармоқлари: Instagram | Telegram | Linkedin

Реклама ҳуқуқи асосида