Coca-Cola Ўзбекистон миллий терма жамоани қўллаб-қувватлашга қаратилган илк маҳаллий реклама кампаниясини тақдим этди

Компаниянинг бошланиши Coca-Cola компаниясининг Ўзбекистондаги фаолиятида бир нечта муҳим “илк” қадамлар билан ёдда қолди:

Coca-Cola Ўзбекистон илк бор тўлалигича мамлакатимизда суратга олинган, футболга бағишланган телевизион роликни (TVC) тайёрлади. Унда асосий эътибор миллий жамоамиз ва мухлисларнинг самимий ҳиссиётларига қаратилган.

Coca-Cola илк марта Ўзбекистон футбол ассоциациясининг (ЎФА) расмий узоқ муддатли ҳамкорига айланди. Бу ҳамкорлик компаниянинг мамлакатда футбол ривожини қўллаб-қувватлашга интилишини акс эттиради ва бир мусобақа доирасидан анча кенгдир.

Шу боис реклама кампанияси учун “Илк лаҳзалар Coca-Cola билан бирга” шиори танланди. “…Илк бор афсоналаримиз бошлаб берган йўл бизни жаҳон саҳнасига олиб чиқди; илк бор майдонга фақат 11 нафар ўйинчи эмас, 38 миллион киши чиқмоқда; илк бор ҳар бир ўйин бизни катта байрам каби бир жойга жамламоқда…” — деган сўзлар кадр ортидан янграйди.

Реклама ролигида жамоа мураббийи Фабио Каннаваро бошчилигидаги миллий терма жамоа ўйинчилари иштирок этишди. Кампания учун мусиқий ҳамроҳликни Sevara Nazarxon ижро этди ва унинг иштироки спорт, маданият ва миллий ифтихор уйғунлигининг рамзига айланди.

Янги кампания бугун бутун мамлакат бўйлаб миллионлаб мухлислар ўзаро баҳам кўраётган миллий ғурур, ҳамжиҳатлик ва ҳаяжон тимсолига айланди. Ролик ушалган орзу ҳамда бутун Ўзбекистонни дунёнинг энг муҳим футбол мусобақаси атрофида бирлаштирган лаҳза ҳақида ҳикоя қилади. Унда футбол учрашуви чинакам шодлик, бирдамлик ва умумий ифтихор байрамига айланади. Кампания кўпчилик учун бу тарихий лаҳза йирик миллий футбол тадбиридаги илк тажриба бўлиши мумкинлигини ва Coca-Cola айнан шундай муҳим “илк” онлар иштирокчиси бўлишга интилишини таъкидлайди.

Ролик аллақачон миллий телеканалларда намойиш этилмоқда ва рақамли медиаларда мавжуд: Instagram

FIFA 2026 Жаҳон чемпионати арафасида Coca-Cola, шунингдек, Ўзбекистон миллий терма жамоасини кузатишга бағишланган кенг кўламли маросимнинг асосий ҳамкорларидан бири сифатида иштирок этади ва жаҳон биринчилигидаги тарихий иштироки олдидан жамоани қўллаб-қувватлаш учун минглаб мухлисларни бирлаштиради.