Уй-жойлар қурилишида махсус ҳуқуқий режим жорий этилди

2026 йил 1 мартдан 2028 йил 1 мартга қадар Тошкент шаҳар, Самарқанд, Қашқадарё ва Наманган вилоятларидаги 6 та мавзеда кўп квартирали уй-жойларнинг намунавий лойиҳалари комплекс қурилиш тамойиллари асосида бунёд этилади.

Фото: Kun.uz

Мазкур ташаббус доирасида амалга ошириладиган ишлар ва жараёнларни мувофиқлаштириш Урбанизация ва уй-жой бозорини барқарор ривожлантириш миллий қўмитасига юклатилди.

Комплекс қурилиш тамойиллари асосида қурилишни амалга ошириш тартиби тегишли иловада белгиланган.

Ушбу масалалар президентнинг “Кўп квартирали турар жой мажмуаларини қуришда комплекс қурилиш механизмларини жорий этиш ва шаффофликни таъминлаш чора-тадбирлари тўғрисида”ги қарорида назарда тутилган.