Португалия миллий жамоаси ҳужумчиси Криштиану Роналду ЖЧ-2026 гуруҳ босқичи 2-турида Ўзбекистон билан ўйинда ҳисобни очди ва кўп ўтмай дубль қайд этди (хабар ёзилган вақтда ўйин давом этмоқда).

Саудия Арабистонининг «Ан-Наср» клуби футболчиси 6-дақиқада Жоау Канселунинг, 39-дақиқада эса Бруно Фернандешнинг узатмасидан гол урди. Бу Роналду учун ушбу жаҳон чемпионатидаги илк голлардир.

Шундай қилиб, Криштиану ўзи иштирок этган 6 та жаҳон чемпионатининг ҳар бирида гол урди ва тарихдаги биринчи шундай футболчига айланди. Месси Аргентина миллий жамоаси сафида 5 та мундиалда гол урган.

Криштиану Роналдунинг жаҳон чемпионатларидаги барча голлари:

  • 2006 (Германия): 1 гол

  • 2010 (ЖАР): 1 гол

  • 2014 (Бразилия): 1 гол

  • 2018 (Россия): 4 гол

  • 2022 (Қатар): 1 гол

  • 2026 (Канада/Мексика/АҚШ): ҳозирча 2 гол