«Формула-1». 11-босқич. Венгрия Гран-приси

1. Ландо Норрис (Буюк Британия, McLaren) – 1:39.56,180
2. Макс Ферстаппен (Нидерландия, Red Bull Racing) – 15,080 сонияга ортда қолди
3. Андреа Кими Антонелли (Италия, Mercedes) – 18,728
4. Шарл Леклер (Монако, Ferrari) – 23,840
5. Люис Ҳэмилтон (Буюк Британия, Ferrari) – 24.540
6. Исак Хаджар (Франция, Red Bull Racing) – 55,488
7. Жорж Расселл (Буюк Британия, Mercedes) – 57,503
8. Лиам Лоусон (Янги Зеландия, Racing Bulls) – 1 айлана
9. Нико Ҳюлкенберг (Германия, Audi) – 1 айлана
10. Арвид Линдблад (Великобритания, Racing Bulls) – 1 айлана

«Формула-1»да Венгрия Гран-приси якунланди – унда «Макларен» пилоти Ландо Норрис бу мавсумдаги дебют ғалабасини қўлга киритди. 26 ёшли пойгачи мураккаб курашда нафақат рақибларни, балки жамоадаги шериги Оскар Пиастрини ҳам ортда қолдирди – Оскар анча вақтгача 2-ўринда борганди, аммо техник носозлик туфайли пойгани муддатидан олдин якунлади.

Фаворитлардаги омадсизлик

Венгриядаги босқич арафасида жиддий интрига юзага келганди – фаворитларга бирин-кетин жарима ёзилди. Бундан дастлаб Ҳэмилтон азият чекди: «Макларен» аъзоси Пиастрини блоклагани учун Люис учта ўринлик жарима ёзилди, натижада британиялик пойгани бешинчи ўринда бошлади.

Чемпионат пешқадами Андреа Кими Антонелли уч позицияга жазоланди – у сариқ байроқлар зонасида тезликни етарлича пасайтирмади. Натижада 19 ёшли италиялик саралашни тўртинчи ўринда бошлаган бўлса-да, стартга фақат еттинчи бўлиб чиқди – «Мерседес» жамоаси мавсумда биринчи марта поул-позишнни бой берди.

Рақобатчилардаги жарималар, қолаверса, етакчиларни қувиб ўтиш қийин бўлган «Ҳунгароринг» трассасининг хусусиятини ҳисобга олган ҳолда, «Макларен» аъзоси Ландо Норрисда мавсумдаги биринчи ғалабага эришиш учун ажойиб имконият пайдо бўлди. 26 ёшли британиялик пойгачи саралаш босқичида биринчи ўринни эгаллади ва пойгани фаворит сифатида бошлади. Бироқ, муваффақиятсиз старт туфайли у иккинчи бурилишдаёқ етакчиликни жамоадоши Оскар Пиастрига бой берди.

Бироқ тезликда омади келмаган жойда Норрисни тактика қутқариб қолди. 31-даврада Ҳэмилтон эрта пит-стопга йўл олди – «Макларен» жавоб қайтаришга мажбур эди ва танлов пешқадамлик қилаётган Пиастрига тушди. Ландо эса таваккал қилишга қарор қилди ва вақтинча биринчи ўринни эгаллаб, трассада қолди.