Сенатнинг 18-ялпи мажлисида “Фуқароларнинг давлат пенсия таъминоти тўғрисида”ги қонунга пенсия тайинлаш тартибини янада такомиллаштиришга қаратилган ўзгартиришлар ва қўшимча киритиш ҳақида”ги қонун муҳокама қилинди.
Қонун билан фуқарога I ёки II гуруҳ ногиронлиги белгиланиши муносабати билан ногиронлик пенсиясини проактив шаклда тайинлаш ҳамда пенсия тайинланганидан кейин камида бир йил иш стажига эга бўлса, ушбу пенсия турини ҳар икки йилда бир марта фуқаронинг мурожаатини талаб этмаган ҳолда проактив шаклда қайта ҳисоблаб чиқиш тартиби жорий этилмоқда.
Шунингдек, пенсиядан чегирма қилинганидан сўнг фуқарога тўланадиган пенсия миқдори энг кам истеъмол харажатлари миқдоридан кам бўлмаслиги белгиланмоқда.
Муҳокама якунида сенаторлар Қонунни маъқуллади.
