Унинг таъкидлашича, қайд этилган ҳолатларнинг барчасини тўлиқ ноқонуний қурилиш деб баҳолаб бўлмайди. Айрим объектларда қурувчилар рухсат этилган қаватлар сонидан ортиқча қават қурган ёки тасдиқланган лойиҳадан четга чиққан.
“Ҳар битта ташкилот ўзининг вазифасидан келиб чиқиб агар вақтида реакция қиладиган бўлса, бу жараёндаги ўша ноқонуний қурилмалар сони ҳам камаяди. Ҳозир Тошкент шаҳрида охирги марта инвентаризация қилиб Вазирлар Маҳкамасига ҳам маълумот берилган, 70 дан ортиқ объектларда 173 тадан кўп қаватли уйлар ноқонуний қурилгани аниқланган. Лекин бу ноқонуний қурилганига изоҳ бериб кетаман, 100 фоиз ноқонуний эмас. Мисол учун, 9 қаватга рухсат олган, ҳамма лойиҳа ҳужжатлари бор, лекин 10 қават қилиб қўйганлари бор. Ёки иккита 9 қаватга рухсат олган қўшимчасига беш қават яна ўзининг ҳудудида қўшимча қурган ҳолатлар бор.
Бу ҳолатлар бўйича ҳокимият тегишли идоралар билан биргаликда инвентаризация қилиб Вазирлар Маҳкамасига ҳам таклиф киритилган. Бу таклифда объектларни бу жараёнга келгунга қадар ўша рухсат берган ташкилотларга ёки назорат органларига кўриладиган чоралар, ўша объект эгаларига нисбатан кўрилган чоралар ҳам бор. Бунинг ечими юзасидан таклифлар билан киритилган. Энди ҳозир ўша жараёндаги объектлар ҳужжатларни расмийлаштиришини кутяпмиз. Бунинг ичида Newport ҳам бор. Бу ерда қурилган умумий 9 та домдан 3 тасига рухсат бор, 6 та блок ноқонуний қурилган. Бу хатлов жараёни аниқланиб бу ҳам рўйхатга қўшиб берилган”, — деди Жасур Каримов.
